Navigaziun principala

Cuntegn da la pagina

Il president da la regenza Jon Domenic Parolini visita differentas scolas en il chantun

  • Erste Mitteilung
  • Neuen Beitrag einfügen
En sia funcziun sco president da la regenza visita Jon Domenic Parolini differentas scolas en il chantun. En il focus da las visitas stat il barat cun ils purtaders da las scolas, cun las direcziuns da las scolas sco er cun las persunas d'instrucziun da las scolas professiunalas spezialisadas. In nov video da la chanzlia chantunala mussa impressiuns da sia emprima visita a Puschlav.

Als campiunadis da mastergns SwissSkills 2018 a Berna e WorldSkills 2017 ad Abu Dhabi han er giuvenils dal Grischun festivà gronds success. La basa da quests success vegn savens messa gia en la furmaziun fundamentala professiunala. Per il Grischun èsi impurtant che la furmaziun professiunala funcziunia bain, per che las emprendistas ed ils emprendists possian vegnir engaschadas suenter la furmaziun fundamentala professiunala sco persunas spezialisadas en l'economia e per ch'ellas ed els promovian uschia er vinavant la creaziun da valurs en il chantun.

Infurmaziuns or d'emprim maun

La furmaziun professiunala è repartida sin trais lieus d'emprender: il manaschi d'emprendissadi, ils curs intermanaschials e la scola professiunala spezialisada. En il chantun Grischun datti 12 scolas professiunalas spezialisadas che instrueschan la gronda part da las 161 professiuns cun emprendissadi che vegnan purschidas en il Grischun, sco assistenta u assistent per il mantegniment d'autos AFP ubain lainaria u lainari AFQ. Il president da la regenza Jon Domenic Parolini vegn a visitar durant ses onn presidial la gronda part da questas scolas. Questas visitas duain er avair l'intent da survegnir infurmaziuns davart particularitads regiunalas e d'emprender d'enconuscher las sfidas or d'emprim maun.

Tura tras il Grischun

Gia ils 18 d'avrigl ha il president da la regenza cumenzà a Puschlav cun sia tura tras il Grischun. Là ha el visità la scola professiunala spezialisada sco er la scola populara ed ha discutà durant il gentar cun represchentanzas da tuttas duas scolas. Oz cuntinuescha la retscha da visitas da scolas en il center da furmaziun Surselva a Glion. Là survegn Jon Domenic Parolini invistas da la scola professiunala industriala e commerziala, da la scola media propedeutica e mercantila sco er da las purschidas transitoricas da la scola vinavon.

Ultra da las scolas vegn il president da la regenza Jon Domenic Parolini er a visitar differentas conferenzas impurtantas per la furmaziun professiunala sco er la sesida da la cumissiun per la furmaziun professiunala:

18-04-2019 Scola professiunala Puschlav e Polo Poschiavo, Puschlav
Scola populara, Puschlav  
02-05-2019 Center da furmaziun Surselva, Glion:
scola professiunala industriala, scola professiunala commerziala,
scola media propedeutica, scola media propedeutica mercantila, purschidas transitoricas vinavon
09-05-2019 Scoula industriala Val Müstair, Sta. Maria
17-06-2019 Scola professiunala spezialisada Tavau, Tavau Plaz
Gimnasi da sport Tavau, Tavau Plaz          
20-06-2019 Center da furmaziun Palottis, Schiers
Onn social grischun, Cazas
04-09-2019 Conferenza chantunala da las purschidas transitoricas
19-09-2019 Gimnasi da la claustra da Mustér, Mustér
19/20-09-2019 Conferenza chantunala dals recturs da scolas professiunalas
23-09-2019 Cumissiun per la furmaziun professiunala dal Grischun
13-11-2019 Scola professiunala d'hotellaria dal Grischun, Passugg
14-11-2019 Scola St. Catharina, Cazas
21-11-2019   Scola professiunala d'economia Cuira, Cuira
Scola professiunala artisanala Cuira, Cuira
06-12-2019 Scola commerziala da l'Engiadin'ota, Samedan
Scola industriala Samedan, Samedan


Infurmaziuns:

- president da la regenza dr. Jon Domenic Parolini, schef dal departament d'educaziun, cultura e protecziun da l'ambient (DECA), tel. 081 257 27 01, e-mail Jondomenic.Parolini@ekud.gr.ch
- Curdin Tuor, manader da l'uffizi per la furmaziun professiunala, tel. 081 257 27 70, e-mail Curdin.Tuor@afb.gr.ch


Gremi: departament d'educaziun, cultura e protecziun da l'ambient
Funtauna: rg departament d'educaziun, cultura e protecziun da l'ambient
Neuer Artikel

Il president da la regenza visita scolas en il chantun

Object reference not set to an instance of an object.