Zum Seiteninhalt

Consultaziun: Distgargia per las vischnancas en ils secturs da l'intermediaziun da lavur e da l'assicuranza cunter la dischoccupaziun

  • Erste Mitteilung
  • Neuen Beitrag einfügen
La regenza ha deliberà il sboz d'ina revisiun parziala da la lescha introductiva tar l'intermediaziun da lavur e tar l'assicuranza cunter la dischoccupaziun (LItLIL/LADI) per la consultaziun. Las vischnancas duain vegnir distgargiadas en quest sectur da lur incumbensas d'execuziun.

Las persunas dischoccupadas assicuradas èn obligadas da s'annunziar persunalmain tar lur vischnanca da domicil u tar l'uffizi cumpetent per l'intermediaziun da lavur ch'è vegnì designà dal chantun, e quai il pli tard l'emprim di, per il qual ellas dumondan ina indemnisaziun da dischoccupaziun. Ils chantuns èn libers da designar il post d'annunzia.

Emprima annunzia directamain al CIL

En l'avegnir n'han las vischnancas pli naginas incumbensas d'execuziun en il sectur da l'intermediaziun da lavur. En spezial perquai che la confederaziun planisescha d'introducir l'annunzia electronica, tar la quala i n'è betg pli necessari da cumparair persunalmain. L'emprima annunzia vegn fatga da nov tar ils centers regiunals per intermediaziun da lavur (CIL) da l'uffizi per industria, mastergn e lavur, saja quai cun cumparair persunalmain u sin via electronica. Questa reordinaziun premetta ina revisiun da la LItLIL/LADI.

Ultra da quai vegn reglada la cumpetenza chantunala per exequir l'obligaziun d'annunziar las plazzas libras ch'è vegnida introducida cun realisar l'iniziativa federala dal pievel "Cunter l'immigraziun da massa". La consultaziun dura fin ils 22 da november 2019. Ils documents pon vegnir consultads sin la pagina d'internet dal chantun (Consultaziuns currentas).


Infurmaziuns:
cusseglier guvernativ Marcus Caduff, schef dal departament d'economia publica e fatgs socials, tel. 081 257 23 01, e-mail Marcus.Caduff@dvs.gr.ch


Gremi: regenza
Funtauna: rg departament d'economia publica e fatgs socials
Neuer Artikel