Zum Seiteninhalt

La reducziun dal cussegl grond na vegn betg discutada en la sessiun d'october

En enclegientscha cun il comité d'iniziativa ha la conferenza da las presidentas e dals presidents dal cussegl grond concludì da suspender ad interim la tractativa davart la missiva tar l'iniziativa chantunala dal pievel "Per la reducziun dal cussegl grond – 90 bastan". Oriundamain era questa debatta previsa per la sessiun d'october 2019. La conferenza da las presidentas e dals presidents ha tratg questa conclusiun en vista a la decisiun dal tribunal federal dals 29 da fanadur 2019 pertutgant il sistem electoral dal cussegl grond, ch'è vegnida publitgada dacurt.

Cur ch'igl è uschè lunsch, vegn la fatschenta puspè a vegnir tractandada da nov per la debatta en il cussegl grond.


Infurmaziuns:
president dal cussegl grond Alessandro Della Vedova, tel. 078 735 05 89


Gremi: conferenza da las presidentas e dals presidents dal cussegl grond
Funtauna: rg conferenza da las presidentas e dals presidents dal cussegl grond