Zum Seiteninhalt

Di dal Plantahof sut la devisa "bunischem!"

  • Erste Mitteilung
  • Neuen Beitrag einfügen
Ils 26 d'october 2019 èsi puspè uschè lunsch; il Plantahof avra sias portas. Durant il di dal Plantahof da mintga onn po grond e pitschen emprender d'enconuscher in'agricultura autentica, gustar products en abundanza e sa divertir sin ballas da strom e.u.v. In di per l'entira famiglia – bunischem!

Cun bleras purschidas d'aventuras, cun blers stans d'infurmaziun e cun bleras visitas guidadas vegnan preschentadas la diversitad da l'agricultura e las activitads dal Plantahof. La purschida da quest onn cumpiglia l'enconuschenta "lutga da mats", ils sigls sin ballas da strom, il chavaltgar per uffants ed il percurs da tractorins. Ultra da quai datti visitas guidadas interessantas tras la chamona d'avieuls, tras il tschaler da vin e tras la stalla da vatgas da latg. Curt e bain: i vegn a dar in di plain giudiment per l'entira famiglia.

Ultra da las numerusas activitads na dastga natiralmain er betg mancar la purschida culinarica. Sch'ins patescha fom u said, stat a disposiziun ina vasta schelta da products dal bain puril, ch'èn – tenor la devisa dal di dal Plantahof da quest onn – simplamain 'bunischems'.

Ulteriuras infurmaziuns : la pagina d'internet dal Plantahof


Infurmaziuns:
Rolf Hug, manader dal bain puril, Plantahof, tel. 081 257 60 90, e-mail Rolf.Hug@plantahof.gr.ch  


Gremi: Plantahof
Funtauna: rg Plantahof
Neuer Artikel