Navigation

Inhaltsbereich

  • Erste Mitteilung
  • Neuen Beitrag einfügen

Cun la nova app "GR DocCapture" per iOS ed Android pon documents vegnir digitalisads svelt e facilmain cun il smartphone u il tablet ed agiuntads a la decleraziun da taglia.

Ensemen cun la software da decleraziun SofTax 2019 per la taglia sin las entradas e sin la facultad metta l'Administraziun chantunala da taglia a disposiziun l'app "GR DocCapture" per iOS ed Android. Cun ils apparats mobils adattads (smartphones e tablets) pon ils documents che duain vegnir agiuntads, vegnir scannads svelt e facilmain e vegnir importads en la decleraziun da taglia SofTax. Da nov stat pia a disposiziun la pussaivladad d'inoltrar la decleraziun da taglia inclusiv agiuntas sin via electronica, senza ch'i dovra in scanner per quai.

Sche la Confederaziun ed il Chantun stgaffeschan – sco spetgà – en il decurs da l'onn current la basa legala per ina decleraziun da taglia senza suttascripziun, pon las persunas natiralas ch'èn obligadas da pajar taglia en il chantun Grischun inoltrar gia l'onn proxim la decleraziun da taglia inclusiv agiuntas sin via electronica. Il fegl da quittanza na sto alura betg pli vegnir suttascrit e tramess suenter.

L'app "GR DocCapture" po vegnir chargiada giu gratuitamain dal Apple App Store u dal Google Play Store. Sin la pagina d'internet da l'Administraziun chantunala da taglia ed en l'app èn disponiblas ulteriuras infurmaziuns davart "GR DocCapture".

Fotografia agiuntada:

-


Infurmaziuns:

- Urs Hartmann, schef da l'Administraziun da taglia, tel. 081 257 33 24, e-mail Urs.Hartmann@stv.gr.ch

- Romeo Stetter, Abteilungsleiter manader da la partiziun ICT, Administraziun da taglia, tel. 081 257 33 28, e-mail Romeo.Stetter@stv.gr.ch


Gremi: Administraziun da taglia
Funtauna: rg Administraziun da taglia

Neuer Artikel