Ina delegaziun dal Cussegl grond dal chantun Tessin ha visità oz durant la sessiun da favrer 2020 il Cussegl grond dal Grischun.

La delegaziun tessinaisa da sis persunas è vegnida manada dal president dal parlament Claudio Franscella. Tranter auter è el vegnì accumpagnà dals vicepresidents Daniele Caverzasio e Nicola Pini.

Ils giasts dal Tessin èn vegnids beneventads dal president dal Cussegl grond Alessandro Della Vedova e dal vicepresident dal Cussegl grond Martin Wieland. Prendì part a l'inscunter han ultra da quai ils presidents da las fracziuns dal Grischun. L'avantmezdi ha la delegaziun assistì a las tractativas currentas en l'edifizi dal Cussegl grond. Suenter è in gentar cuminaivel stà sin il program. Il suentermezdi han gì lieu ina visita guidada tras la citad veglia da Cuira ed ina visita da la catedrala.

La visita da la delegaziun ha servì al barat d'experientschas sco er a la tgira da las relaziuns amicablas. Questas scuntradas cun persunas directivas amias da parlaments chantunals han lieu ina fin duas giadas l'onn.

Fotografias agiuntadas:

Il president dal Cussegl grond dal Grischun Alessandro Della Vedova (a sanestra). beneventa a Cuira il president dal Cussegl grond dal Tessin Claudio Franscella (a dretga).


Las duas delegaziuns parlamentaras en l'edifizi dal Cussegl grond a Cuira.


Gremi: Chanzlia chantunala
Funtauna: rg Chanzlia chantunala