Las autoritads grischunas han prendì enconuschientscha dal decret che la Regenza da l'Italia ha concludì la notg sin oz. Ils gremis responsabels dal stab parzial dal Stab directiv chantunal e l'Uffizi da sanadad dal Grischun èn en stretg contact cun la Confederaziun, cun la Viafier retica, cun il chantun Tessin e cun il Corp da guardias da cunfin per sclerir eventualas consequenzas per il Grischun e per las regiuns da cunfin. Actualmain n'è il traffic da rauba e da persunas, en spezial per cunfinarias e cunfinaris, betg restrenschì.
Per coordinar las mesiras concernent il coronavirus tranter la Svizra e l'Italia è responsabel l'Uffizi federal da sanadad publica UFSP.

Las autoritads giuditgeschan cuntinuadamain da nov la situaziun en l'Italia dal Nord sco er las mesiras che pudessan daventar necessarias per il Grischun e per sias vals dal sid. Er las vischnancas grischunas vegnan infurmadas cuntinuadamain.


Gremi: Regenza
Funtauna: rg Chanzlia chantunala