Navigaziun principala

Cuntegn da la pagina

La sessiun d'avrigl 2020 dal Cussegl grond dal Grischun n'ha betg lieu

  • Erste Mitteilung
  • Neuen Beitrag einfügen

La Conferenza da las presidentas e dals presidents dal Cussegl grond dal chantun Grischun ha decidì en sia sesida dals 23 da mars 2020 da dir giu la sessiun d'avrigl 2020 (20 – 23 d'avrigl).

Pervia da la situaziun actuala en il cumbat cunter la derasaziun dal coronavirus e per observar las mesiras pli severas che la Confederaziun ed il chantun han prendì ha la Conferenza da las presidentas e dals presidents dal Cussegl grond concludì ils 23 da mars 2020 il suandant:

  • I vegn desistì da manar tras la sessiun d'avrigl 2020, che avess gì lieu da glindesdi, ils 20 d'avrigl, fin gievgia, ils 23 d'avrigl 2020.
  • Per mantegnair l'abilitad d'agir dal parlament tschertga la Conferenza da las presidentas e dals presidents localitads alternativas ch'èn grondas avunda per far sesidas ordaifer la sala dal Cussegl grond.
  • La sessiun da zercladur 2020 dal Cussegl grond vegn prolungada per 2 dis, ella dura pia da glindesdi, ils 15 da zercladur, fin venderdi, ils 19 da zercladur 2020.
  • La sessiun d'avust 2020 dal Cussegl grond vegn prolungada per 1 di a 5 dis. Ella dura pia da mardi, ils 25 d'avust, fin sonda, ils 29 d'avust 2020.
  • La sessiun d'october 2020 dal Cussegl grond vegn prolungada per 1 di a 4 dis. Ella dura da glindesdi, ils 19 d'october, fin gievgia, ils 22 d'october 2020.
  • La Conferenza da las presidentas e dals presidents vegn a giuditgar cuntinuadamain da nov la situaziun.

Infurmaziuns:
president dal cussegl grond Alessandro Della Vedova, tel. 078 735 05 86


Gremi: Chanzlia chantunala
Funtauna: rg Chanzlia chantunala

Neuer Artikel