Il Cussegl federal ha orientà oz davart ulteriuras mesiras per sustegnair las lavurantas ed ils lavurants. Sustegnidas pli fitg vegnan en spezial persunas dischoccupadas. Anc nagina soluziun definitiva n'è vegnida chattada per la serrada da plazzals. Il chantun Grischun intensivescha sias controllas. Las disposiziuns che valan actualmain permettan da serrar manaschis.
Il chantun Tessin aveva disponì da serrar manaschis industrials e plazzals per in'emna ed ha uschia surpassà las mesiras da la Confederaziun. Durant ils ultims dis èsi vegnì pretendì cunzunt en las valladas grischunas dal sid ch'il chantun surpiglia las mesiras dal chantun Tessin e serria ils plazzals.
Il chantun Grischun sa tegna vi da las prescripziuns da la Confederaziun e pretenda da tut las interpresas da garantir las prescripziuns severas concernent l'igiena e la distanza da segirezza. Ina serrada generala d'interpresas e da plazzals n'è betg pussaivla. Sche las mesiras da protecziun na pon dentant betg vegnir realisadas, è il chantun autorisà da serrar svelt ils manaschis respectivs. En la regiun Moesa èn gia serrads numerus plazzals.
Per che las mesiras ordinadas da la Confederaziun vegnian realisadas da maniera correcta e consequenta, ha la Polizia chantunala dal Grischun augmentà massivamain sia preschientscha.
| Infurmaziuns |
|
Per ulteriuras infurmaziuns per mauns da la populaziun renviescha il chantun Grischun a la suandanta pagina d'internet: www.gr.ch/coronavirus
Per dumondas generalas per telefon stat a disposiziun a la populaziun da lingua tudestga la lingia d'infurmaziun da l'Uffizi federal da sanadad publica:
Telefon: +41 58 463 00 00 (mintga di, di e notg)
Infurmaziuns per las collavuraturas ed ils collavuraturs da las medias, per il sectur da sanadad, per las vischnancas e per las scolas
Dumondas pon vegnir drizzadas er vinavant directamain al post da communicaziun per il coronavirus:
Uras da manaschi mail: glindesdi fin dumengia 08.00 – 17.00
Uras da manaschi telefon: glindesdi fin venderdi 08.00 – 19.00
E-mail medias: kfsmedien@amz.gr.ch
E-mail sectur da sanadad: kfsmedical@amz.gr.ch
E-mail vischnancas, scolas & lavur: kfsinfo@amz.gr.ch
Telefon: +41 81 254 16 00
|
Gremi: Stab directiv chantunal
Funtauna: rg Chanzlia chantunala