Navigaziun principala

Cuntegn da la pagina

Nova helpline per il chantun Grischun: 081 254 16 36

  • Erste Mitteilung
  • Neuen Beitrag einfügen

A partir da damaun mardi è en funcziun sut il numer 081 254 16 36 in servetsch telefonic per l'emprim agid psicologic en il chantun Grischun (uras da manaschi: 09.00 fin 17.00).

Damaun a las 09.00 vegn prendì en funcziun ina nova "helpline Grischun". La helpline è l'emprim post da consultaziun per agid en situaziuns d'urgenza en connex cun la situaziun extraordinaria da la pandemia COVID-19. En in discurs da sustegn dattan persunas spezialisadas cussegliaziun a persunas che tschertgan agid. Ellas las rendan attent a purschidas en il chantun Grischun e las renvieschan – en cas da basegn – als posts correspundents.

La helpline è cuntanschibla mintga di da las 09.00 fin las 17.00. Quai sut il numer da telefon 081 254 16 36.

 Infurmaziuns

Per ulteriuras infurmaziuns per mauns da la populaziun renviescha il chantun Grischun a la suandanta pagina d'internet: www.gr.ch/coronavirus

Per dumondas generalas per telefon stat a disposiziun a la populaziun da lingua tudestga la lingia d'infurmaziun da l'Uffizi federal da sanadad publica:
Telefon: +41 58 463 00 00 (mintga di, di e notg)


Infurmaziuns per las collavuraturas ed ils collavuraturs da las medias, per il sectur da sanadad, per las vischnancas e per las scolas
Dumondas pon vegnir drizzadas er vinavant directamain al post da communicaziun per il coronavirus:

-

Uras da manaschi mail: glindesdi fin dumengia 08.00 – 17.00
Uras da manaschi telefon: glindesdi fin venderdi 08.00 – 17.00

E-mail medias: kfsmedien@amz.gr.ch  
E-mail sectur da sanadad: kfsmedical@amz.gr.ch  
E-mail vischnancas, scolas & lavur: kfsinfo@amz.gr.ch  
Telefon: +41 81 254 16 00


Gremi: Stab directiv chantunal / CoronaComm
Funtauna: rg CoronaComm 
Neuer Artikel