Navigaziun principala

Cuntegn da la pagina

Crisa da corona: Nova hotline per cunfinarias e cunfinaris

  • Erste Mitteilung
  • Neuen Beitrag einfügen

Il Stab directiv chantunal (SDC) coordinescha cun las vischnancas pertutgadas en las regiuns Bernina, Malögia ed Engiadina Bassa/Val Müstair l'organisaziun d'alloschis favuraivels per las lavurantas ed ils lavurants da l'Italia ed ha endrizzà per quest intent ina hotline per las cunfinarias ed ils cunfinaris.

A chaschun da la conferenza da video tranter l'assessur Massimo Sertori da la regiun Lumbardia ed il president da la regenza Christian Rathgeb ha la Regenza empermess d'examinar il giavisch per pussaivladads da pernottaziun favuraivlas per las cunfinarias ed ils cunfinaris en las vals dal sid grischunas (guardar la communicaziun a las medias dals 14-04-2020 Crisa da corona: discurs tranter la Lumbardia ed il Grischun).

Per incumbensa da la Regenza ha il SDC examinà questa dumonda e vegn a coordinar a partir d'immediat ed en collavuraziun cun las vischnancas e las interpresas pertutgadas l'organisaziun d'alloschis favuraivels per las cunfinarias ed ils cunfinaris. Per dumondas da cunfinarias e cunfinaris interessads stat a disposiziun a partir dad oz suentermezdi a las 14.00 ina hotline ch'è vegnida endrizza aposta per quest intent.
La hotline è cuntanschibla da glindesdi fin venderdi da las 08.00 fin las 17.00, e quai sut il numer da telefon +41 81 254 16 66 e per dumondas en scrit per e-mail frontalieri.kfs@amz.gr.ch.

Infurmaziuns:
Martin Bühler, schef dal Stab directiv chantunal, tel. +41 81 257 35 22, e-mail Martin.Bühler@amz.gr.ch


Gremi: Chanzlia chantunala 
Funtauna: rg Chanzlia chantunala

Neuer Artikel