Navigaziun principala

Cuntegn da la pagina

Communicaziun da la Regenza dals 7 da matg 2020

  • Erste Mitteilung
  • Neuen Beitrag einfügen
La Regenza ha approvà duas punts pendentas ad Alvra sco er l'adattaziun dal Plan directiv regiunal da la regiun Partenz/Tavau.

La Regenza ha approvà duas punts pendentas ad Alvra

La Regenza ha approvà cun consideraziuns e cun cundiziuns la revisiun parziala da la planisaziun locala che la vischnanca dad Alvra aveva concludì ils 19 da fanadur 2019. Tras la revisiun parziala vegnan stgaffidas las basas da la planisaziun d'utilisaziun per realisar duas Punts pendentas che pon er vegnir duvradas per intents turistics en il territori "Solas". Da quest project spetga la regiun ina gronda attracziun turistica. Quai betg sco ultim, perquai ch'el è posiziunà en il territori da gronda valur istoric-culturala e turisticamain fitg frequentà enturn la Punt da Solas che maina tranter Tusaun e Casti en in'autezza impressiunanta sur l'Alvra.

© Uffizi federal da topografia

© Team da project da l'instituziun purtadra Aventura Alvra

La Regenza ha approvà cun consideraziuns e cun cundiziuns la revisiun parziala da la planisaziun locala che la vischnanca dad Alvra aveva concludì ils 19 da fanadur 2019

Approvà l'adattaziun dal Plan directiv regiunal da la regiun Partenz/Tavau

La Regenza ha approvà cun consideraziuns l'adattaziun dal Plan directiv regiunal "Alps", che la regiun Partenz/Tavau aveva concludì ils 19 da december 2019. Quest plan directiv regiunal ha la finamira da sviluppar e da promover nischas turisticas spezialas, per uschia pussibilitar la valurisaziun turistica da las qualitads ch'èn creschidas en il spazi da viver, en il territori da cultura ed en la cuntrada.
Cun questa adattaziun dal plan directiv vegnan stgaffidas en emprima lingia las premissas per manar ina pitschna ustaria en in edifizi da l'abitadi d'aclas Tratza en la vischnanca da Luzein. Pervia da sia posiziun attractiva en la cuntrada e bain accessibla sin sendas da viandar è il lieu Tratza adattà fitg bain per optimar e per cumplettar la purschida da restauraziun vertenta en ils conturns. La regiun vul rinforzar il turissem en accord cun la natira e cun la cultura e promover tras quai in svilup regiunal persistent. La gestiun d'ina pitschna ustaria a Tratza sa lascha integrar bain en la purschida existenta ed en l'orientaziun turistica da la regiun.

La Regenza ha approvà cun consideraziuns l'adattaziun dal Plan directiv regiunal "Alps", che la regiun Partenz/Tavau aveva concludì ils 19 da december 2019.

Augment da la ladezza maximala da la via chantunala da colliaziun ad Andeer

Per la via da colliaziun da Clugén ad Andeer vegn augmentada la ladezza maximala da 2,30 a 2,55 meters. Quest augment vegn fatg sin basa d'in nov giudicament da l'Uffizi da construcziun bassa dal Grischun. La mesira entra en vigur cun adattar la signalisaziun correspundenta.

© Uffizi federal da topografia

Per la via da colliaziun da Clugén ad Andeer vegn augmentada la ladezza maximala da 2,30 a 2,55 meters. Quest augment vegn fatg sin basa d'in nov giudicament da l'Uffizi da construcziun bassa dal Grischun. La mesira entra en vigur cun adattar la signalisaziun correspundenta.

Neuer Artikel
Gremi: Regenza
Funtauna: rg Chanzlia chantunala dal Grischun