Cuntegn da la pagina

Nov manader da l'Uffizi d'energia e da traffic

  • Erste Mitteilung
  • Neuen Beitrag einfügen

La Regenza ha nominà Thomas Schmid sco nov manader da l'Uffizi d'energia e da traffic. El vegn a surpigliar questa funcziun il 1. d'avust 2020.

La Regenza ha elegì Thomas Schmid sco nov manader da l'Uffizi d'energia e da traffic. El daventa successur dad Erich Büsser che va en pensiun suenter avair manà l'uffizi durant blers onns.

Thomas Schmid ha 50 onns ed ha fatg in diplom d'agro-inschigner a la Scola politecnica federala (dipl. ing. agr. SPF, direcziun economia agrara) sco er in Executive Master of Business Administration (University of Rochester, USA, ed University of Nyenrode, NL). El è stà engaschà durant blers onns tar in dals gronds detaglists da la Svizra ed ha occupà là differentas funcziuns directivas.

Ultra da qualitads cumprovadas da direcziun e da management sco er d'ina gronda experientscha cun process strategics ha Thomas Schmid, che abita a Cuira, vastas enconuschientschas da las relaziuns regiunalas e politicas en il Grischun.

Fotografia agiuntada:

-

Infurmaziuns:
cusseglier guvernativ dr. Mario Cavigelli, schef dal Departament d'infrastructura, energia e mobilitad, tel. +41 81 257 36 01, e-mail Mario.Cavigelli@diem.gr.ch


Gremi: Regenza
Funtauna: rg Departament d'infrastructura, energia e mobilitad

Neuer Artikel