Navigaziun principala

Cuntegn da la pagina

Communicaziun da la Regenza dals 3 da fanadur 2020

  • Erste Mitteilung
  • Neuen Beitrag einfügen
La Regenza ha prendì posiziun tar in project da consultaziun dal Departament federal per ambient, traffic, energia e communicaziun. Ultra da quai ha ella approvà projects per ina correcziun da la via, per in rempar da lavinas, per ina protecziun cunter crudada da crappa sco er per la selvicultura ed ha deliberà ina contribuziun chantunala per sanar ina fortezza militara.

Forza idraulica: pitga principala dal provediment d'electricitad svizzer

La Regenza ha prendì posiziun tar in project da consultaziun dal Departament federal per ambient, traffic, energia e communicaziun (DATEC). En quel sustegna ella da princip las ponderaziuns e las explicaziuns da la Conferenza da las Regenzas dals chantuns alpins. La Regenza renda attent che la forza idraulica furmia cun ina quota da producziun da var 60 pertschient la pitga principala dal provediment d'electricitad svizzer. Per cuntanscher las finamiras da la Strategia d'energia 2050 n'èsi betg prioritar en connex cun la forza idraulica da construir novas ovras, mabain da mantegnair la producziun existenta. Per quest intent dovri in instrument sumegliant ad in'assicuranza per temps, nua ch'ils pretschs dal martgà èn volatils, che dat a la forza idraulica relevanta per il sistem la segirezza necessaria per far investiziuns e planisaziuns. La finala ha la Regenza pretendì da fixar ina finamira en reguard ad in grad d'autoprovediment per garantir la segirezza dal provediment er en temps Critics.

Correcziun da la via dal Scanvetg ed adattaziun da la fermada "Maladers Sax"

Il project davart la correcziun da la via dal Scanvetg è vegnì approvà. Il traject davent dal spartavias Maladers fin a Platz vegn renovà durant ils proxims dus onns tenor las normas vertentas. Cumplementarmain duai ussa er vegnir renovà il traject da Platz fin a Sax, perquai ch'il stadi da la cuvrida da la via è fitg nausch sin quest traject pervia da la schelira, dal sal da sdregliada e da la chargia dal traffic. En il rom dal project vegn renovada la surstructura da la via, curregida minimalmain sia geometria e schlargià ses vial a 6 meters. Ils custs dal project ch'il chantun sto surpigliar, muntan a circa 6,75 milliuns francs.
Per incumbensa da la citad da Cuira duai ultra da quai la fermada da l'auto da posta "Maladers Sax" vegnir renovada e colliada cun in passape cun la fracziun da Sax. La Regenza ha concedì a la citad da Cuira ina contribuziun chantunala da 9000 francs per quest intent.

Schanfiggerstrasse und Böschung darunter

Il project davart la correcziun da la via dal Scanvetg è vegnì approvà.

Pitgas per siglientar lavinas augmentan la segirezza e procuran per main serradas da la via da Samignun

La Regenza ha approvà il Project "Siglientada da lavinas Val da Mot" da la vischnanca da Samignun. La finamira dal project è quella d'augmentar la segirezza sin la via chantunala. Per cuntanscher quai duai il territori dal project vegnir segirà cun tschintg pitgas per siglientar lavinas. Cun realisar quest project pon las ristgas existentas vegnir reducidas considerablamain.
Il territori periclità che cumpiglia il traject da la via chantunala tranter Spissermühle ed il territori d'abitadi en la Val Samignun è vegnì segirà fin ussa cun siglientar lavinas or dal helicopter e cun bittaminas. Durant questas acziuns ha stuì vegnir serrada la via. Sco unica via d'access en il Samignun han serradas in effect negativ decisiv en spezial per il turissem e per l'economia en la val. Ultra da quai han las metodas da siglientar numerus dischavantatgs.

Berg mit Schnee

Territori che vegn segirà da nov cun implants fixs

La Regenza ha approvà il Project "Siglientada da lavinas Val da Mot" da la vischnanca da Samignun.

Project da protecziun cunter crudada da crappa sin la lingia da l'Alvra

En il sectur Cruschetta tranter Filisur e Bravuogn croda adina puspè giu crappa che periclitescha la lingia da la Viafier retica (VR). En spezial in bloc grond labil cun in volumen da circa 550 meters cubic en il territori da crudada periclitescha l'infrastructura a vista mesauna.
La Regenza ha ussa approvà in project da la VR per segirar il territori cun raits cunter crudada da crappa sin ina lunghezza da totalmain 120 meters e d'allontanar quel bloc grond. Plinavant sa participescha il chantun vi dals custs totals da var 1,12 milliuns francs cun ina contribuziun chantunala da maximalmain 840 000 francs.

Das gefährdete Gebiet Der instabile Grossblock

En il sectur Cruschetta tranter Filisur e Bravuogn croda adina puspè giu crappa che periclitescha la lingia da la Viafier retica (VR).

La fortezza militara sin il pass dal Malögia vegn sanada totalmain

La Regenza ha concedì ina contribuziun chantunala da maximalmain 219 750 francs a l'uniun Pro Castellis per la sanaziun totala da la fortezza A7678. La fortezza istorica sin il pass dal Malögia – construida en duas etappas tranter ils onns 1938 e 1941 – è in monument architectonic relevant d'impurtanza regiunala.
Suenter che la fortezza è vegnida surpigliada da la Pro Castellis èn vegnids constatads donns considerabels. Per evitar ulteriurs donns èn gia vegnidas prendidas in pèr mesiras d'urgenza. Grazia al temp ch'è vegnì gudagnà uschia ha pudì vegnir elavurà in project consistent per segirar la fortezza ch'è ussa avant maun. Ils custs totals per la sanaziun importan var 1,1 milliuns francs.

Detailansicht der Festung Grossaufnahme der Festung 

© Uniun Pro Castellis

La Regenza ha concedì ina contribuziun chantunala da maximalmain 219 750 francs a l'uniun Pro Castellis per la sanaziun totala da la fortezza A7678.

Project collectiv 2020 per la selvicultura

La Regenza ha approvà il project collectiv per la selvicultura 2020 cun custs totals da 26 milliuns francs. Il project collectiv è vegnì elavurà en collavuraziun cun var 200 proprietarias e proprietaris da guauds publics e privats. Sin totalmain 2702 hectaras vegn mantegnì il guaud da protecziun, promovida la diversitad da las spezias e tgirà il guaud giuven. Ultra da quai vegnan fatgs tagls da laina en territoris che n'èn betg bain accessibels. Finanzià vegn quest project tras meds da la Confederaziun, dal chantun sco er da las proprietarias e dals proprietaris dals guauds pertutgads.

Schneise im Wald für die Seilkranbewirtschaftung Abschnitt im Wald, bei dem alte Bäume gefällt wurde, um Platz für neue Bäume zu machen
 Fotografia1: Racolta da laina cun crana a cabel; Fotografia2: Tgira da guaud giuven: repartiziun a Sedrun

La Regenza ha approvà il project collectiv per la selvicultura 2020 cun custs totals da 26 milliuns Francs.

Neuer Artikel
Gremi: Regenza
Funtauna: rg Chanzlia chantunala dal Grischun