Navigaziun principala

Cuntegn da la pagina

"La chatscha en il Grischun. Nua poss jau retrair la patenta?“ - Retratga da las patentas per la stagiun da chatscha 2020

  • Erste Mitteilung
  • Neuen Beitrag einfügen

Gia oz spetgan las chatschadras ed ils chatschaders grischuns cun fevra la proxima stagiun da chatscha che cumenza quest onn ils 3 da settember.

Ellas ed els fan las emprimas preparaziuns. Equipads cun il perspectiv e cun il telescop passentan ellas ed els mintga minuta libra en il territori da chatscha. Passiunadamain vegni "spievlà", observà la selvas-china e sias disas. A chasa vegnan rimnads ils utensils da chatscha, las victualias e las bavrondas per il transport en la chamona da chatscha. Èn vegnidas pajadas las taglias e l'assicuranza da responsabladad obligatorica? Han ellas ed els regulà persunalmain las armas da chatscha? Èn enconuschentas las no-vaziuns las pli impurtantas da las prescripziuns da chatscha chantunalas? E la finala, per terminar las preparaziuns, cura e nua pon ellas ed els retrair la patenta da chatscha?

Sin la pagina d'internet www.ajf.gr.ch ed en il Fegl uffizial dal chantun Grischun dals 13 d'avust 2020 èn publitgads ils lieus, las datas e las uras da la vendita organisada da las patentas. En il museum da la na-tira dal Grischun pon vegnir retratgas patentas a partir dals 19 d'avust 2020. Al museum da la natira dal Grischun resp. tar ils organs da surveglianza da chatscha èsi anc adina pus-saivel da cumprar las patentas da chatscha en daner contant resp. cun cartas da debit. Acceptadas ve-gnan cartas sco Maestro u Postcard. L'import che sto vegnir pajà vegn tratg giu directamain da Voss conto senza quintar ina cumissiun. Las patentas pon er vegnir pajadas cun cartas da credit sco Master-Card u Visa, e cun TWINT.

A partir dals 19 d'avust 2020 vegn la centrala da noss uffizi ad esser da nov a la Ringstrasse 10. Contact persunal cun la clientella vegni a dar mo pli en cas singuls suenter avair fixà ordavant in termin. Retrair patentas sin quint e pajar cun bons è pussaivel mo pli per posta, premess ch'ils documents sajan agiun-tads. Resalvadas restan midadas da mesiras da protecziun dal UFSP en connex cun la situaziun dal coronavirus (COVID-19).

Nus giavischain ina buna mira ed ina ritga preda!


Infurmaziuns: 
Adrian Arquint, Vorsteher Amt fümanader da l'Uffizi da chatscha e pestga, tel. +41 81 257 38 92, e-mail Adrian.Arquint@ajf.gr.ch


Gremi: Uffizi da chatscha e pestga
Funtauna: rg Uffizi da chatscha e pestga

Neuer Artikel