Navigaziun principala

Cuntegn da la pagina

Coronavirus: Situaziun precara en ils ospitals

  • Erste Mitteilung
  • Neuen Beitrag einfügen

L'Uffizi da sanadad appellescha urgentamain a la populaziun d'evitar contacts, da tegnair distanza e da purtar ina mascrina. Questas mesiras gidan a reducir il dumber d'infecziuns. La situaziun en ils ospitals grischuns è precara. Entaifer paucs dis è sa triplà il dumber d'ospitalisaziuns. En il chantun datti mintga di mortoris en connex cun COVID-19.

Cumbain ch'ils ospitals han anc capacitads, fa il svilup da las ospitalisaziuns quitads a las autoritads. En il chantun sa chattan actualmain 615 persunas en isolaziun, 837 persunas èn en quarantina e 45 persunas vegnan tgiradas en ospitals en connex cun COVID-19. 8 persunas ston vegnir respiradas artifizialmain. En il chantun èn mortas fin ussa 59 persunas da COVID-19.

Emprim agid psicologic
A partir da glindesdi, ils 9 da november, prenda il chantun en funcziun sut il numer +41 81 254 16 36 in servetsch telefonic per l'emprim agid psicologic en il chantun Grischun (uras da manaschi: mintga di da las 09.00 fin las 17.00). La "Helpline grischuna per l'emprim agid psicologic" è in emprim post da consultaziun per persunas ch'èn en situaziuns difficilas pervia da la pandemia da COVID-19. En in discurs da sustegn dattan persunas spezialisadas cussegliaziun a persunas che tschertgan agid. Ellas las rendan attent a purschidas en il chantun Grischun e las renvieschan – en cas da basegn – als posts correspundents.


Infurmaziuns:
Post da communicaziun per il coronavirus dal chantun Grischun, e-mail kfsmedien@amz.gr.ch, tel. +41 79 716 22 95 (exclusivamain per collavuraturas e collavuraturs da las medias)


Gremi: Uffizi da sanadad
Funtauna: rg Departament da giustia, segirezza e sanadad

Neuer Artikel