La Regenza ha nominà Claudia Hartmann Lütscher sco nova vicechanceliera. Ella vegn a surpigliar questa funcziun il 1. da matg 2021.

La Regenza ha elegì lic. iur. Claudia Hartmann Lütscher sco nova vicechanceliera. Claudia Hartmann Lütscher ha 57 onns, è burgaisa da Haldenstein e da Schiers ed abita a Cuira. Ella daventa successura da Walter Frizzoni che va en pensiun la fin d'avrigl 2021 suenter in'activitad da 30 onns sco vicechancelier.

Claudia Hartmann Lütscher è creschida si a Cuira, è ida là a scola ed ha absolvì il studi da giurisprudenza a l'Universitad da Turitg. Suenter in praticum è ella stada collavuratura giuridica e dapi l'onn 1995 manadra dal Servetsch giuridic da giustia e polizia tar il Departament da giustia, segirezza e sanadad dal Grischun.

Sco post general da stab, da coordinaziun e da colliaziun dal Cussegl grond, da la Regenza e da l'administraziun furnescha la Chanzlia chantunala numerus servetschs. En quest ambient tgira la vicechanceliera en spezial ils secturs Dretgs politics e Publicaziuns incl. l'organisaziun da votaziuns e d'elecziuns sco er la garanzia da qualitad da la legislaziun chantunala. Ad ella èn plinavant suttamess il Servetsch da translaziuns e la Centrala per stampats e material. Ella represchenta il chancelier en sias funcziuns.

Fotografia agiuntada:

Claudia Hartmann Lütscher, nova vicechanceliera


Infurmaziuns:
president da la Regenza dr. Christian Rathgeb, schef dal Departament da finanzas e vischnancas, tel. +41 81 257 32 01, e‑mail Christian.Rathgeb@dfg.gr.ch


Gremi: Regenza
Funtauna: rg Chanzlia chantunala