Navigaziun principala

Cuntegn da la pagina

Agids per cas da direzza: defect tecnic tar l'inoltraziun da trais dumondas

  • Erste Mitteilung
  • Neuen Beitrag einfügen

Il chantun metta a disposiziun agids per cas da direzza ad interpresas ch'èn pertutgadas spezialmain da la crisa da corona. Las dumondas pon vegnir inoltradas tant per posta sco er sin via electronica. Displaschaivlamain hai dà l'emna passada in defect tecnic en connex cun l'inoltraziun sin via electronica. Trais dumondas èn sin quai idas a perder per adina.

Mintga di entran pliras dumondas per agids per cas da direzza sin via electronica tar il chantun. La dumonda vegn scannada da l'interpresa e tramessa per upload/filetransfer al Departament d'economia publica e fatgs socials (DES) cumpetent. Perquai ch'igl ha dà l'emna passada in defect tecnic tar l'upload/filetransfer, èn trais dumondas idas a perder per adina.

Tschertga da trais interpresas
Displaschaivlamain n'èsi betg enconuschent, tgeninas trais interpresas ch'èn pertutgadas. Il chantun enconuscha mo il temp exact, cur che la dumonda è vegnida inoltrada. Il DES supplitgescha las trais interpresas che han chargià si lur dumondas durant ils suandants termins exacts da s'annunziar sur haertefall@gr.ch:

  • gievgia, ils 4 da favrer 2021, a las 12.04
  • gievgia, ils 4 da favrer 2021, a las 17.59
  • venderdi, ils 5 da favrer 2021, a las 12.14

Ulteriuras infurmaziuns davart ils agids per cas da direzza stattan a disposiziun sin la Wepagina d'internet dal DES.


Infurmaziuns:
Bruno Caduff, manader da project, Departament d'economia publica e fatgs socials, tel. +41 81 257 23 13, e-mail Bruno.Caduff@dvs.gr.ch


Gremi: Departament d'economia publica e fatgs socials
Funtauna: rg Departament d'economia publica e fatgs socials

Neuer Artikel