Navigaziun principala

Cuntegn da la pagina

Communicaziun da la Regenza dals 18 da favrer 2021

  • Erste Mitteilung
  • Neuen Beitrag einfügen
La Regenza ha concedì contribuziuns chantunalas per construir ina halla da lutga a Vaz Sut sco er per restaurar l'intern da la chasa d'abitar "Scola veglia" a Bravuogn Filisur.

Contribuziun chantunala per il project Halla da lutga e da sport "Rüfeli" a Vaz Sut

Per la construcziun da la halla da lutga e da sport "Rüfeli" a Vaz Sut ha la Regenza concedì duas contribuziuns chantunalas da totalmain 275 000 francs al Club da lutga Unterlandquart. D'ina vart ha ella concedì ina contribuziun da maximalmain 175 000 francs en il rom dal Concept per implants da sport d'impurtanza chantunala (CISIC), da l'autra vart 100 000 francs or da la finanziaziun speziala Sport. L'entir project custa 1,53 milliuns francs. Da quests custs èn 1,44 milliuns francs imputabels per calcular las contribuziuns chantunalas.

Il stabiliment po vegnir utilisà per trenar differentas disciplinas da sport. El ademplescha dentant er las pretensiuns per realisar occurrenzas pli pitschnas sco radunanzas da l'uniun u per exempel ina concurrenza da lutga en halla. El dispona d'ina surfatscha da resgim da 260 meters quadrat, ma er d'ina surfatscha da 230 meters quadrat che po vegnir utilisada per intents polisportivs.

En il rom dal CISIC promova il chantun la construcziun e la renovaziun da stabiliments da sport d'impurtanza naziunala, chantunala e regiunala. Tras la contribuziun chantunala vegn la halla da lutga "Rüfeli" inscritta en il catalog dal CISIC. Questa inscripziun premetta ch'i vegnian ademplids differents criteris e differentas premissas.

Visualisierung Schwinghalle Untervaz
©Club da lutga Unterlandquart

vista da l'exteriur

Per la construcziun da la halla da lutga e da sport "Rüfeli" a Vaz Sut ha la Regenza concedì duas contribuziuns chantunalas da totalmain 275 000 francs al Club da lutga Unterlandquart.

Contribuziun chantunala per restaurar l'intern da la chasa d'abitar "Scola veglia" a Bravuogn Filisur

La Regenza ha garantì als proprietaris da la chasa d'abitar "Scola veglia" a Bravuogn Filisur ina contribuziun chantunala da maximalmain 158 660 francs per la restauraziun interna. En connex cun questa contribuziun vegn l'edifizi mess da qua envi sut protecziun da monuments chantunala.

L'onn 1850 è la chasa da scola da Bravuogn vegnida construida al lieu nua che duas chasas da purs eran arsas giu avant. L'edifizi ha ina muntada maximala per il maletg dal lieu d'impurtanza naziunala. L'exteriur da l'edifizi imposant è quasi mantegnì en il stadi original. A l'intern da l'edifizi construì en il stil classicistic persvadan tant las localitads generusas sco er l'equipament ch'è mantegnì per gronda part en il stadi original. La "Scola veglia" ha ina gronda valur socio-istorica ed ina funcziun impurtanta per la furmaziun da l'identitad da Bravuogn.

Foto Altes Schulhaus Bergün

foto 2
foto 3

La Regenza ha garantì als proprietaris da la chasa d'abitar "Scola veglia" a Bravuogn Filisur ina contribuziun chantunala da maximalmain 158 660 francs per la restauraziun interna.

Neuer Artikel
Gremi: Regenza
Funtauna: rg Chanzlia chantunala dal Grischun