Navigaziun principala

Cuntegn da la pagina

La Regenza da Son Gagl sin visita en il Grischun

  • Erste Mitteilung
  • Neuen Beitrag einfügen

Sin invit da la Regenza grischuna ha la Regenza da Son Gagl visità oz il chantun Grischun. En il rom dal discurs da lavur constructiv a Landquart èn vegnids tractads differents temas interchantunals.

Sin sia visita en il chantun Grischun è la Regenza da Son Gagl vegnida manada dal president da la Regenza Bruno Damann. El è vegnì accumpagnà da las cusseglieras guvernativas Susanne Hartmann e Laura Bucher, dals cussegliers guvernativs Stefan Kölliker, Beat Tinner, Marc Mächler e Fredy Fässler sco er dal chancelier Benedikt van Spyk e da la manadra da las relaziuns externas Sarah Hauser.

Collavuraziun durant la pandemia da COVID-19
Las Regenzas dals chantuns Son Gagl e Grischun èn sa scuntradas per in discurs da lavur en ils lavuratoris da la Viafier retica a Landquart. En il center dals discurs è stada la collavuraziun dals dus chantuns durant la pandemia da COVID-19 sco er l'ulteriura collavuraziun entaifer la Svizra orientala.
Plinavant han ellas discutà il project Sportvision OST che ha la finamira da porscher a talents da sport sco er a sportistas e sportists da prestaziun da differentas disciplinas da sport infrastructuras innovativas en cumbinaziun cun centers da cumpetenza cumplementars e cun purschidas da furmaziun sin mesira. Ultra da quai è vegnida tematisada la realisaziun da la Cunvegna interchantunala davart las acquisiziuns publicas revedida.

Fotografia agiuntada:

Foto der Regierungspräsidenten St.Gallen und Graubünden

Ils presidents da las Regenzas Bruno Damann (a dretga) e Mario Cavigelli


Gremi: Regenza
Funtauna: rg Chanzlia chantunala

Neuer Artikel