Navigaziun principala

Cuntegn da la pagina

Aboliziun da l'obligaziun da purtar ina mascrina a partir da glindesdi, ils 12 d'avrigl 2021, per scolaras e scolars da la 5. e 6. classa primara en las scolas ed instituziuns che sa participeschan als tests en las scolas

  • Erste Mitteilung
  • Neuen Beitrag einfügen

L'obligaziun da purtar ina mascrina vegn abolida per scolaras e scolars da la 5. e 6. classa primara en las scolas ed instituziuns che sa participeschan als tests en las scolas. La Regenza motivescha sia decisiun cun las experientschas positivas dals tests emnils en las scolas.

Pervia da la situaziun epidemiologica difficila da quella giada aveva la Regenza introducì ils 11 da favrer 2021 l'obligaziun da purtar ina mascrina per scolaras e scolars da la 5. e 6. classa da las scolas primaras. Ussa ha ella abolì questa mesira. Sia decisiun motivescha ella cun l'influenza positiva da la strategia chantunala da test. Cun ils tests che vegnan fatgs mintga emna en las scolas stat a disposiziun in instrument per identifitgar svelt ils cas da corona e per interrumper las chadainas da transmissiun. Circa 1 mais suenter il cumenzament da questas mesiras da massa sa participeschan passa 95 pertschient da las scolas popularas dal Grischun als tests en las scolas.

L'obligaziun da purtar ina mascrina sin il stgalim secundar I vala vinavant
Exceptads da l'aboliziun da l'obligaziun da purtar ina mascrina èn las persunas d'instrucziun e l'ulteriur persunal da scola. Er las scolaras ed ils scolars dal stgalim secundar I ston purtar vinavant ina mascrina. Independentamain dal fatg, sche la scola u l'instituziun sa participescha als tests en las scolas u betg, pon però tut las scolaras ed ils scolars da la scola populara prender giu la mascrina durant las pausas en il liber, sch'ellas ed els han almain ina distanza dad 1,5 meters in da l'auter.


Infurmaziuns:
Post da communicaziun per il coronavirus dal chantun Grischun, e-mail kfsmedien@amz.gr.ch, tel. +41 79 716 22 95 (exclusivamain per collavuraturas e collavuraturs da las medias)


Gremi: Regenza
Funtauna: Chanzlia chantunala

Neuer Artikel