Navigaziun principala

Cuntegn da la pagina

Uffizi per economia e turissem dal Grischun sut ina nova direcziun

  • Erste Mitteilung
  • Neuen Beitrag einfügen

La Regenza ha nominà Reto Bleisch sco nov manader da l'Uffizi per economia e turissem. El vegn a surpigliar questa funcziun a partir dal 1. d'avust 2021.

Reto Bleisch è creschì si a Vilters‑Wangs ed ha absolvì il studi d'economia publica e da scienzas da finanzas a l'Universitad da Turitg. L'um da 46 onns ha cumprovadas experientschas da manar glieud e vastas enconuschientschas al punct da contact tranter economia, regulaziun e politica.

Las experientschas respectivas ha el fatg tranter auter en sias funcziuns strategicas tar la Posta svizra SA e tar la Swisscom SA sco er en sia funcziun sco manader da la regulaziun e dals fatgs internaziunals tar las Viafiers federalas svizras SBB/CFF/FFS SA. Ultra da quai ha el lavurà en differentas funcziuns a l'exteriur durant plirs onns.

Reto Bleisch che abita a Stels ha plinavant vastas enconuschientschas da las relaziuns economicas, regiunalas e politicas dal Grischun.

Fotografia agiuntada:

Foto Reto Bleisch

Reto Bleisch, nov manader dal UET


Infurmaziuns:
cusseglier guvernativ Marcus Caduff, schef dal Departament d'economia publica e fatgs socials, tel. +41 81 257 23 01, e‑mail Marcus.Caduff@dvs.gr.ch


Gremi: Regenza
Funtauna: rg Departament d'economia publica e fatgs socials

Neuer Artikel