La Regenza ha nominà Matthias Tscharner sco nov manader da l'Autoritad per la protecziun d'uffants e da creschids. El vegn a surpigliar questa funcziun a partir dal 1. da november 2021.
La Regenza ha nominà Matthias Tscharner, che ha 44 onns, sco nov manader da l'Autoritad per la protecziun d'uffants e da creschids (APUC). Questa funcziun directiva vegn stgaffida da nov en il rom da la reorganisaziun da l'Autoritad per la protecziun d'uffants e da creschids.
Matthias Tscharner è inschigner SAS ed econom da manaschi SSD (Scola auta spezialisada dal Grischun). Ultra da quai dispona el d'in Certificate of Advanced Studies da la Scola auta da Lucerna/FHZ per scleriment e per disposiziun en il sectur da la protecziun d'uffants e da creschids. Dapi l'avrigl 2020 maina el la APUC dal Grischun dal nord.
La APUC sustegna persunas che basegnan protecziun e che n'èn betg en cas da procurar sezzas per lur bainstar. Ella ha l'incumbensa da proteger cun mesiras adequatas persunas cun in basegn da protecziun e d'assistenza en il sectur persunal, finanzial ed administrativ u en la correspundenza giuridica. Er organisescha ella agid che la famiglia u che purschidas da sustegn voluntaras na pon betg porscher suffizientamain. En quest connex ha Matthias Tscharner l'incumbensa da manar circa 60 collavuraturas e collavuraturs.
Fotografia agiuntada:
Infurmaziuns:
cusseglier guvernativ Peter Peyer, schef dal Departament da giustia, segirezza e sanadad, tel. +41 81 257 25 01, e‑mail Peter.Peyer@djsg.gr.ch
Gremi: Regenza
Funtauna: rg Departament da giustia, segirezza e sanadad