Las elecziuns da la Regenza e dal Cussegl grond han lieu dumengia, ils 15 da matg 2022. La Regenza ha repartì ils sezs dal Cussegl grond sin ils circuls electorals. Plinavant declera in video da la Chanzlia chantunala il nov sistem electoral.
Las elecziuns da renovaziun da la Regenza per la perioda d'uffizi dal 1. da schaner 2023 fin ils 31 da december 2026 han lieu dumengia, ils 15 da matg 2022. In eventual segund scrutini per las elecziuns da la Regenza è previs dumengia, ils 12 da zercladur 2022.
Ils 15 da matg 2022 han er lieu las elecziuns dal Cussegl grond per la perioda d'uffizi da l'emprim di da la sessiun d'avust 2022 fin al cumenzament da la sessiun d'avust 2026.
Sin ils accounts chantunals da social media vegnan duvrads ils suandants hashtags per las elecziuns 2022: #WahlenGR #ElecziunsGR #ElezioniGR
Repartiziun dals sezs sin ils circuls electorals
La Regenza ha repartì ils sezs dal Cussegl grond sin ils circuls electorals. Decisiva per la repartiziun dals sezs è la populaziun svizra dals circuls electorals sin fundament da la statistica federala da la populaziun e da las chasadas (STATPOP).
La repartiziun dals 120 sezs dal Cussegl grond sin ils 39 circuls electorals po vegnir consultada qua: Repartiziun dals sezs sin ils circuls electorals.
La glista vegn ultra da quai publitgada en il Fegl uffizial chantunal.
In video declera il nov sistem electoral
AIls 15 da matg 2022 elegian las Grischunas ed ils Grischuns per l'emprima giada il Cussegl grond tenor il nov sistem electoral. Elegì vegni tenor il sistem da proporz dubel, l'uschenumnà «Pukelsheim dubel».
Video «Pukelsheim dubel»
Ulteriuras infurmaziuns davart las elecziuns 2022 stattan a disposiziun sin la pagina d'internet:
Elecziuns da la Regenza
Elecziuns dal Cussegl grond
Infurmaziuns:
Walter Frizzoni, Projektleiter Wahmanader dal project Elecziuns 2022, Chanzlia chantunala dal Grischun, tel. +41 81 257 22 38, e-mail Walter.Frizzoni@staka.gr.ch
Responsabladad: Chanzlia chantunala