Navigation

Inhaltsbereich

  • Erste Mitteilung
  • Neuen Beitrag einfügen

La notg dals 7 sin ils 8 da december ha la surveglianza chantunala da chatscha sajettà il terz luf giuven en la Muntogna da Schons en il rom da la regulaziun. Uschia èn vegnids sajettads tut ils trais lufs dal triep dal Beverin che l'Uffizi federal d'ambient aveva permess.

La notg passada è in luf giuven masculin dal triep dal Beverin vegnì sajettà da la surveglianza chantunala da chatscha. Il luf è vegnì sajettà vers las 03.00 da la damaun sin il territori da la vischnanca da Muntogna da Schons. La situaziun en la vischinanza da l'abitadi è stada ideala per er gist cuntanscher in effect da spaventar ils ulteriurs lufs dal triep. Il luf giuven sajettà vegn tramess per l'examinaziun a Berna a l'Institut per medischina da peschs e selvaschina da l'Universitad da Berna.

Infurmaziuns:

Arno Puorger, collavuratur academic, ressort Animals da rapina gronds, Uffizi da chatscha e pestga, tel. +41 81 257 38 92 (cuntanschibel per telefon a partir da las 13.00), e-mail Arno.Puorger@ajf.gr.ch


Responsabladad: Uffizi da chatscha e pestga

Neuer Artikel