Oz è la Regenza sa barattada cun il cusseglier federal Alain Berset en la Chasa grischa a Cuira. Il discurs cun il schef dal Departament federal da l'intern ha permess da sclerir differents giavischs dal chantun Grischun e d'approfundar temas da la politica interna.
Oz ha il cusseglier federal Alain Berset visità la Regenza grischuna durant sia sesida emnila en la Chasa grischa a Cuira.
En il rom da questa visita èn vegnidas discutadas la superaziun da la crisa dal coronavirus e sias perspectivas per l'atun sco er las sfidas actualas dals fatgs da sanadad ed ulteriurs temas da la politica interna e dilucidadas las problematicas specificas per il chantun Grischun. La Regenza ha infurmà davart la gronda impurtanza da la Büvetta Tarasp ch'è sut protecziun da monuments e che dovra urgentamain ina sanaziun.
Silsuenter ha la delegaziun da Berna, accumpagnada dal cusseglier guvernativ Jon Domenic Parolini, visità il Museum d'art dal Grischun.
Fotografia agiuntada:
La Regenza grischuna cun il cusseglier federal Alain Berset
Infurmaziuns:
President da la Regenza Marcus Caduff, schef dal Departament d'economia publica e fatgs socials, tel. +41 81 257 23 01, e‑mail
Marcus.Caduff@dvs.gr.ch (cuntanschibel da las 12.00 fin las 13.00)
Responsabladad: Chanzlia chantunala