Sin invit dal consul general svizzer Martin Bienz ha gì lieu ier, ils 26 da fanadur 2022, a Düsseldorf in'occurrenza da stad a chaschun da la festa naziunala svizra. Var 200 giasts han suandà l'invit a la festa naziunala en la chapitala dal pajais federativ Nordrhein-Westfalen. Il chantun Grischun, envidà sco chantun ospitant, è vegnì represchentà dal president da la Regenza Marcus Caduff. L'occurrenza è vegnida enramada da differentas artistas e da divers artists grischuns.
Davant ils giasts envidads da la politica, da l'economia e da la cultura da Nordrhein-Westfalen ha il president da la Regenza Marcus Caduff menziunà en ses salid ils avantatgs dal chantun Grischun sco lieu attractiv per l'economia e per viver sco er sco destinaziun da vacanzas enconuschenta. Cun ina cumpart da var 16 pertschient èn ils Tudestgs la gruppa da giasts la pli impurtanta per il chantun Grischun.
La preschentaziun dal Grischun sco chantun ospitant a l'occurrenza da stad a Düsseldorf è vegnida realisada cun il sustegn da Grischun vacanzas e da la Viafier retica. Ultra dal giudiment da differents vins dal Grischun han las persunas preschentas er pudì sa persvader da la qualitad da las spezialitads grischunas. Per il divertiment musical han procurà tranter auter la pianista e chantadura Cinzia Regensburger sco er il song solist Basil Zinsli. Tras il program ha manà Beat Antenen.
Fotografia agiuntada:
Da sanestra a dretga: Marcus Caduff (Regierungspräsident Kanton Graubünden), Ludger Siemes (Leiter der Abteilung Europa, Internationale Angelegenheiten in der Staatskanzlei des Landes Nordrhein-Westfalen), Martin Bienz (Schweizerischer Generalkonsul in Frankfurt)
Da sanestra a dretga: Jörg Krebs (Direktor Deutschlands sowie Markleiter für Zentral- und Osteuropa), Marcus Caduff (Regierungspräsident Kanton Graubünden), Kerstin Sigron (Mitglied der Geschäftsleitung von Graubünden Ferien), Ludger Siemes (Leiter der Abteilung Europa, Internationale Angelegenheiten in der Staatskanzlei des Landes Nordrhein-Westfalen),
Martin Bienz (Schweizerischer Generalkonsul in Frankfurt a.M.)
Im Vordergrund: Das Show-Team
Infurmaziuns:
President da la Regenza Marcus Caduff, schef dal Departament d'economia publica e fatgs socials, tel. +41 81 257 23 01, e‑mail Marcus.Caduff@dvs.gr.ch
Responsabladad: Regenza