Navigation

Inhaltsbereich

  • Erste Mitteilung
  • Neuen Beitrag einfügen

Mesemna, ils 12 d'october 2022, salva il Cussegl federal sia sesida «extra muros» a Müstair. Suenter è la populaziun grischuna envidada cordialmain ad in apero cuminaivel.

Ils 12 d'october 2022 salva il Cussegl federal sia sesida en il Grischun empè dad a Berna. Il lieu da la sesida «extra muros» è la claustra Son Jon a Müstair, che fa part dal Patrimoni mundial da la UNESCO. Suenter l'arrivada en Val Müstair e suenter il bainvegni dal president da la Regenza Marcus Caduff, dal chancelier Daniel Spadin e da la presidenta communala Gabriella Binkert Becchetti, sa raduna il Cussegl federal en la claustra per sia sesida emnila.

Il Cussegl federal inscuntra la populaziun grischuna
La Regenza cumpletta e la presidenta communala sa scuntran suenter la sesida curtamain cun il Cussegl federal e sa rendan la finala ensemen sin il Plaz Grond. Là ha lieu circa a las 11.30 in apero public, al qual er la populaziun grischuna è envidada cordialmain. En cas da mal'aura ha l'apero lieu en il local d'entrada da la scola da Val Müstair.

Suenter l'apero èn la Regenza e la presidenta communala envidadas dal Cussegl federal ad in gentar cuminaivel. Quest gentar è alura il punct final da la visita dal Cussegl federal en il Grischun.

Infurmaziuns:


Responsabladad: Chanzlia chantunala

Neuer Artikel