Per motivs da segirezza prolunghescha l'Uffizi da construcziun bassa dal Grischun la serrada da la via dal Bernina suenter la crudada da blocca dals 26 d'october 2023 fin previsiblamain venderdi saira, ils 3 da november 2023. Quai pervia da las daratgadas prognostitgadas.
Suenter il giudicament da las persunas spezialisadas da la dumengia, ils 29 d'october, era l'avertura vegnida planisada da nov per damaun mesemna. Per garantir la segirezza da las collavuraturas e dals collavuraturs en acziun ston las lavurs da segirezza e da rumida adina puspè vegnir interruttas en cas da daratgadas. Quai chaschuna retards tar las lavurs. Actualmain parta l'Uffizi da construcziun bassa dal fatg, da puspè pudair avrir la via per il traffic il pli baud venderdi saira durant singuls temps e sut surveglianza.
Il proxim giudicament da la situaziun vegn fatg venderdi, ils 3 da november 2023, suentermezdi a las 15.00.
Fotografia agiuntada:
Agiuntas:
Infurmaziuns:
Dumeng Schreich, manader da project Geologia, Uffizi da construcziun bassa dal Grischun, tel. +41 79 104 42 48, e‑mail Dumeng.Schreich@tba.gr.ch (cuntanschibel mardi, ils 31 d'october 2023, fin las 19.00 e mesemna, il 1. da november 2023, da las 08.00 fin las 10.00)
Responsabladad: Uffizi da construcziun bassa