Sin invitaziun da la Regenza grischuna ha la Regenza dal chantun Genevra visità ier ed oz il chantun Grischun.

Al timun da la visita da la delegaziun da Genevra en il chantun Grischun è stà il president da la Regenza Antonio Hodgers. El è vegnì accumpagnà dal cusseglier guvernativ Thierry Apothéloz, da la cussegliera guvernativa Anne Hiltpold e da la cussegliera guvernativa Carole-Anne Kast sco er dal cusseglier guvernativ Pierre Maudet e da la chanceliera Michèle Righetti-El Zayadi.

Las duas delegaziuns èn viagiadas ier a Puntraschigna ed han visità là in concert. Oz è stada sin il program ina visita en il Muzeum Susch sco er ina spassegiada tras il «vitg d'Uorsin» Guarda suandada d'in referat davart la significaziun dal rumantsch e dal talian en il chantun Grischun. Avant ch'ils giasts èn returnads a Genevra, èn els sa fermads – per finir la visita – a Lavin per in gentar cuminaivel.

La visita da la Regenza dal chantun Genevra ha servì en emprima lingia a tgirar las relaziuns amicablas ed a barattar experientschas sin ils champs da la cultura, da l'economia e da la politica.

Fotografias agiuntadas:

Il president da la Regenza Jon Domenic Parolini cun il president dal Cussegl dals chantuns Antonio Hodgers

La delegaziun dal Grischun e da Genevra en il Muzeum Susch

Infurmaziuns:

President da la Regenza dr. Jon Domenic Parolini, schef dal Departament d'educaziun, cultura e protecziun da l'ambient, e‑mail Jondomenic.Parolini@ekud.gr.ch

Responsabladad: Regenza