La Regenza ha dà glisch verda a novs rempars per proteger la lingia da la Viafier retica tranter Tavau e Filisur cunter crudadas da crappa e cunter lavinas. Plinavant ha ella approvà in project collectiv voluminus per ovras da protecziun.
Novs rempars da protecziun cunter crudadas da crappa e cunter lavinas per la lingia da la Viafier retica tranter Tavau e Filisur
La Regenza ha approvà il project da rempars
cunter crudadas da crappa e cunter lavinas «Schmelzboden (Viafier retica),
Tavau», ed ha concedì contribuziuns
als custs tenor la Lescha chantunala davart il guaud e tenor la cunvegna da
program da la NGF cun la Confederaziun en il sectur «Ovras da protecziun e
basas davart ils privels». Als custs totals dad 1,022 milliuns francs ha ella
concedì ina contribuziun chantunala da maximalmain 408 800 francs e
disponì ina contribuziun federala da maximalmain 357 700 francs.
Il motiv per il project èn fermas malauras dal
fanadur 2023, che han chaschunà gronds donns da stemprà en la Zügenschlucht a
Tavau. Perquai ch'il guaud da protecziun è vegnì destruì, è la lingia da la
Viafier retica tranter Tavau e Filisur tuttenina stada periclitada acutamain da
naiv glischnanta e da lavinas pitschnas. A partir da l'atun 2023 èn vegnidas
montadas 11 retschas raits da naiv en il rom d'ina mesira immediata. Quellas
protegian ussa a lunga vista la lingia da viafier cunter naiv glischnanta e cunter
lavinas. Ultra da quai ha il stemprà donnegià fermamain ina rait da protecziun
existenta cunter crudadas da crappa. Per puspè proteger la lingia da viafier er
a lunga vista en moda efficazia cunter crudadas da crappa e da blocca duai la
rait vegnir remplazzada. Il medem vala per duas palissadas che han gia pers ina
gronda part da lur effect da protecziun. Ultra da las raits da naiv gia
montadas prevesa il project actual da construir ina rait cunter crudadas da
crappa che correspunda al stadi da la tecnica e che ha ina capacitad d'absorbar
energia en la dimensiun da 2000 kilojoules.
La Regenza ha approvà il project da rempars cunter crudadas da crappa e cunter lavinas «Schmelzboden (Viafier retica), Tavau», ed ha concedì contribuziuns als custs tenor la Lescha chantunala davart il guaud e tenor la cunvegna da program da la NGF cun la Confederaziun en il sectur «Ovras da protecziun e basas davart ils privels».
Approvà in project collectiv per ovras da protecziun
La Regenza ha approvà il project collectiv
«Reparaziun d'ovras da protecziun 2025» da differentas vischnancas, da la
Viafier retica e da l'Uffizi da construcziun bassa dal Grischun. Per quest
intent ha ella concedì ina contribuziun chantunala da circa 5,2 milliuns francs per realisar quel.
Il project ha la finamira da conservar ovras
da protecziun existentas cunter privels da la natira cun mantegnair il standard
oriund, sco er da meglierar l'effect da quests stabiliments. Questas mesiras da
mantegniment èn indispensablas per mantegnair l'effect da protecziun e per betg
augmentar la ristga da privels da la natira per ils abitadis e per las
infrastructuras da traffic. En il rom dal project collectiv vegnan reparads
25 objects entaifer 2onns. Tut en tut èn budgetads 6,8 milliuns francs per realisar il project.
Glista dals projects d'ovras da protecziun 2025
La Regenza ha approvà il project collectiv «Reparaziun d'ovras da protecziun 2025» da differentas vischnancas, da la Viafier retica e da l'Uffizi da construcziun bassa dal Grischun.
