La Regenza ha approvà la revisiun totala da la planisaziun locala che la vischnanca da Valsot aveva concludì.  Il motiv decisiv per la nova planisaziun è stà quel da resguardar las prescripziuns dal dretg da planisaziun surordinà. L'emprima etappa da la revisiun dal dretg davart la planisaziun dal territori (LPT1) ha principalmain la finamira da franar l'extensiun da las zonas da construcziun en il terren cultivà e da diriger il svilup dals abitadis vers anen.

Tut en tut ha la vischnanca da Valsot reducì sia zona d'abitar, maschadada e dal center (ZAMC) per var 78 012 meters quadrat. La revisiun da la Lescha communala da construcziun (LC) cumpiglia l'augment da las cifras d'utilisaziun e da las dimensiuns dals edifizis en tut las zonas da construcziun, quai che permetta da densifitgar la surfatscha d'abitadi. Plinavant è vegnida introducida in'obligaziun da surbajegiar las zonas da construcziun existentas entaifer in termin da 6 onns. La finala è l'entir project da planisaziun vegnì accordà cun ils pli novs plans da la mesiraziun funsila e cun las prescripziuns da la digitalisaziun.

© Fotografia ord l'aria da Ramosch - Comet Photoshopping GmbH, Dieter Enz

Infurmaziuns: Departament d'economia publica e fatgs socials