A partir dals 22 da matg 2026 èn ils sbozs da l'urari dal traffic public per l'onn 2027 exponids publicamain. Fin ils 9 da zercladur 2026 pon persunas interessadas s'exprimer davart las midadas planisadas.

A partir da damaun venderdi, ils 22 da matg 2026, pon ins prender invista dals sbozs da l'urari per il 2027 sin www.oev-info.ch. Il chantun Grischun als ha elavurà durant ils ultims mais en stretga collavuraziun cun las interpresas da transport e cun las regiuns. Tut las persunas interessadas han la pussaivladad d'inoltrar ina posiziun. La consultaziun dura fin ils 9 da zercladur 2026. Posiziuns davart l'urari 2027 ston vegnir inoltradas en scrit e cun motivaziun sur il formular correspundent sut www.oev-info.ch u www.aev.gr.ch/fahrplan, per e-mail a fahrplanentwurf@gr.ch u per posta a l'Uffizi d'energia e da traffic, partiziun Traffic public, Ringstrasse 10, 7001 Cuira. Propostas per l'urari pon ins er inoltrar sur il ePortal dal chantun Grischun.

Per il 2027 n'ha il chantun Grischun betg planisà d'extender essenzialmain la purschida. La purschida existenta duai vegnir optimada ed adattada als basegns.

Ulteriuras infurmaziuns concernent la procedura d'urari chattais Vus sut www.aev.gr.ch/fahrplan. L'urari definitiv vegn decidì l'atun 2026. L'urari mida lura ils 13 da december 2026.

Infurmaziuns:

Lukas Studer, manader da la partiziun Traffic public, Uffizi d'energia e da traffic, tel. +41 81 257 36 04 (cuntanschibel da las 14.00 fin las 15.00), e‑mail Lukas.Studer@aev.gr.ch

Responsabladad: Uffizi d'energia e da traffic