Dapi onns s'augmentan las subvenziuns dal chantun en moda surproporziunala. En il quint current dal preventiv 2009 importan las contribuziuns chantunalas stgars 750 milliuns francs, pia var 30 pertschient da las expensas totalas. Pervia da la gronda impurtanza e pervia dal svilup dinamic è la gestiun da las subvenziuns er vinavant ina sfida centrala da la politica da finanzas. Dapi il program da la regenza per ils onns 2001 fin 2004 ston las contribuziuns chantunalas vegnir pajadas cun cleras finamiras, e quai s'orientond a las prestaziuns ed als resultats. Tenor il program da la regenza per ils onns 2005 fin 2008 ston plinavant vegnir meglierads ils instruments directivs per la gestiun finanziala.

Per quest intent vegnan prendidas las suandantas mesiras:

• installar ina banca da datas cumpletta davart tut las contribuziuns chantunalas
• sviluppar e coordinar ina controlla sistematica dal success da las contribuziuns chantunalas e realisar consequentamain ils resultats da l'evaluaziun

Ulteriuras infurmaziuns
Martin Nigg, tel. 081 / 257 32 17, mail: martin.nigg@dfg.gr.ch