Bainvegni tar il departament da finanzas e vischnancas
nossas incumbensas interdisciplinaras
Il departament da finanzas e vischnancas (DFV) dal chantun Grischun surpiglia differentas incumbensas interdisciplinaras per auters departaments ed uffizis:
nossas incumbensas spezialas
Da l'autra vart èn repartidas differentas incumbensas spezialas al DFV:
Il secretariat dal departament è l'organ da stab central dal DFV. Incumbensas centralas èn qua ils secturs:
- coordinaziun e planisaziun da las incumbensas dal departament
- politica da finanzas
- dretg da finanzas
- projects legislativs dal departament
Il Post da stab Administraziun digitala Grischun è collocà tar il DFV. El coordinescha la transfurmaziun digitala en l'entira administraziun chantunala per garantir in proceder cuminaivel. El cusseglia e gida ils departaments ed ils posts da servetsch a realisar la Strategia Administraziun digitala Grischun.
La controlla da finanzas è suttamessa administrativamain al DFV. Sco organ chantunal spezialisà suprem da la surveglianza da finanzas sustegna ella tant il cussegl grond sco er la regenza ed il DFV en lur incumbensas da surveglianza.
La cassa da pensiun dal Grischun è attribuida al DFV. Ella è in institut autonom da dretg public e porscha a las collavuraturas ed als collavuraturs dal chantun e d'autras instituziuns la prevenziun professiunala.
La Banca Chantunala Grischuna è attribuida al DFV. Ella è in institut autonom dal dretg public chantunal. Ella porscha ils servetschs usitads per ina banca e resguarda en sia activitad commerziala sco banca universala ils basegns da tut ils circuls da la populaziun, da l'economia privata e dal maun public.
Cusseglier guvernativ Martin Bühler
schef dal departament da finanzas e vischnancas