Bainvegni tar la controlla da finanzas dal chantun Grischun

Sco organ independent e suprem per la surveglianza da finanzas sustegna la controlla da finanzas d'ina vart il cussegl grond resp. sia cumissiun da gestiun en sia incumbensa constituziunala, numnadamain a survegliar las finanzas da l'administraziun chantunala e da las dretgiras chantunalas, e da l'autra vart la regenza resp. il departament da finanzas e vischnancas a survegliar las finanzas da l'administraziun chantunala.

La controlla da finanzas porta segirezza cun examinar independentamain la regularitad e la legalitad. Plivalurs generescha ella cun giuditgar en moda transparenta la rentabilitad, l'adequatezza, la spargnusadad e l'efficacitad da la gestiun da las finanzas.

L'artitgel 1 da la lescha davart la surveglianza da las finanzas (LSFi) fixescha il status e l'organisaziun da la controlla da finanzas:
"La controlla da finanzas è autonoma professiunalmain ed independenta. (...) La controlla da finanzas è suttamessa administrativamain al departament da finanzas e vischnancas."