La lescha federala davart la planisaziun dal territori (LPT) prescriva che tut ils projects da construcziun ordaifer la zona da construcziun (zona d'agricultura, ulteriur territori communal, zonas da protecziun) stoppian vegnir suttamess a l'autoritad chantunala cumpetenta. Tenor l'art. 25 al. 2 LPT decida il post cumpetent, sch'il project da construcziun è confurm a la zona u sch'i po vegnir concedida ina permissiun excepziunala per il project da construcziun.
La construcziun d'edifizis ordaifer la zona da construcziun è in dals paucs secturs da la legislaziun da construcziun e da planisaziun ch'il dretg federal regla sez, e quai en ils art. 16 fin 16b, 24 fin 24d e 37a LPT sco er en ils art. 33 fin 43 OPT.
Link zur Hompage des Bundesamtes für Raumentwicklung