Consultaziuns terminadas   

Chanzlia chantunala

Departament d'economia publica e fatgs socials

  • Revisiun parziala da la lescha davart ils supplements da famiglia
    La finamira principala è quella d'adattar l'urden chantunal da supplements da famiglia a la lescha federala davart ils supplements da famiglia dals 24 da mars 2006 (LSFam) ch'è vegnida revedida e che entra en vigur per il 1. da schaner 2013. A partir da l'onn 2013 survegnan tut las persunas cun in'activitad da gudogn in supplement da famiglia per uffant.
    Avertura: 01.12.2011
    Termin: 29.02.2012
  • Lescha d'integraziun da persunas cun impediments - LIPI
    Tras la lescha d'integraziun da persunas cun impediments (LIPI) duai vegnir reglada da nov l'integraziun sociala e professiunala da persunas cun impediments. Il sistem per indemnisar las prestaziuns orientà al deficit e plafonà – che vegniva applitgà da la confederaziun e ch'è vegnì surpiglià dal chantun – duai vegnir remplazzà tras in nov sistem da finanziaziun che s'orientescha a las prestaziuns ed als subjects.
    Avertura: 10.11.2010
    Scadenza dal termin: 21.01.2011
  • Sboz per ina lescha chantunala da geoinfurmaziun (S-LCGeo)
    Sin fundament da las prescripziuns dal dretg surordinà stoi vegnir garantì che las geodatas da basa dal dretg federal possian vegnir consultadas e consegnadas en furma electronica. Er per las geodatas chantunalas duain vegnir relaschadas normas che sa basan sin las prescripziuns da la confederaziun. Perquai che las datas da la mesiraziun uffiziala èn er geodatas da basa da la confederaziun, èsi necessari da controllar la basa giuridica existenta.
    Avertura: 15.07.2010
    Scadenza dal termin: 15.10.2010
  • Finanziaziun dal turissem dal Grischun
    Cun ina nova taxa turistica duai vegnir introducì en tut il chantun Grischun in sistem da finanziaziun per il svilup turistic e per il marketing turistic intermanaschial. Sco variantas vegnan proponidas in taxa turistica per l'entir chantun sco er ina taxa turistica communala armonisada sin basa d'ina lescha generala chantunala.
    Avertura: 30.11.2009
    Scadenza dal termin: 31.03.2010

Departament da giustia, segirezza e sanadad

Departament d'educaziun, cultura e protecziun da l'ambient

  • Consultaziun tar il relasch d'ina lescha davart las scolas autas ed ils instituts da perscrutaziun (LSAIP)
    Il chantun Grischun vul reglar da nov il sectur da las scolas autas e dals instituts da perscrutaziun. La regenza grischuna ha deliberà per la consultaziun il sboz correspundent d'ina nova lescha davart las scolas autas ed ils instituts da perscrutaziun. L'intent dal project è quel da rinforzar e da segirar a lunga vista il Grischun sco chantun da scolas autas e da perscrutaziun.
    Avertura: 19.05.2011
    Scadenza dal termin: 30.09.2011

Departament da finanzas e vischnancas

  • Refurma dal territori: revisiun parziala da la constituziun chantunala
    La realisaziun da la refurma dal territori cumenza cun la furmaziun da las regiuns e cun ina revisiun parziala da la constituziun chantunala. Il project cuntegna la determinaziun da l'uschenumnà plaun d'amez tranter il chantun e las vischnancas. Considerond ils aspects d'in adempliment optimal da las incumbensas sco er las ponderaziuns politicas propona la regenza da stgaffir 10 regiuns.
    Avertura: 22.09.2011
    Scadenza dal termin: 31.12.2011
  • Revisiun parziala dalla lescha da taglia
    El center stat la midada da la taglia sin il relasch ad ina taglia sin la part d’ierta. Quei meina tier ina simplificaziun administrativa per ils burgais. I duair er vegnir creada la basa legala per pudair inoltrar la decleraziun da taglia sin via electronica sco er per pudair spedir il quint e la decisiun da taxaziun sin via electronica. Ultra da quai vegnan fatgas differentas adattaziuns al dretg federal.
    Avertura: 8.9.2011
    Scadenza dal termin: 9.12.2011
  • Refurma da vischnancas: project parzial "Vischnancas burgaisas"
    La realisaziun da la refurma da vischnancas e dal territori cumenza cun il project parzial "Vischnancas burgaisas". La regenza grischuna ha avert la procedura da consultaziun en chaussa. Il punct central dal project è la renunzia a la fusiun automatica da las vischnancas burgaisas, sche las vischnancas politicas fusiuneschan. Uschia sa lascha eliminar in impediment existent per fusiuns da vischnancas, perquai che las vischnancas burgaisas n'èn betg pli pertutgadas directamain d'ina fusiun da las vischnancas politicas.
    Avertura: 25.05.2011
    Scadenza dal termin: 31.08.2011
  • Introducziun dal model armonisà da contabilitad MAC2 per il chantun Grischun e per sias vischnancas
    Il MAC2 duai vegnir introducì en il chantun per il preventiv 2013. Per quest termin duai er esser avant maun la basa per introducir il MAC2 en tut las vischnancas. Ina revisiun totala da la lescha chantunala davart las finanzas e davart la surveglianza da las finanzas è necessaria per quai.
    Avertura: 12.01.2011
    Scadenza dal termin: 15.04.2011
  • Ordinaziun da finanzas per las vischnancas (OFV)
    L'ordinaziun concretisescha la lescha da finanzas dal chantun Grischun e furma la basa per realisar il model armonisà da contabilitad 2 (MAC2) en las vischnancas. La finamira è da cuntanscher ina meglra transparenza da la situaziun da facultad, da finanzas e da rendita da tut las communitads publicas.
    Avertura: 08.02.2012
    Scadenza dal termin: 30.04.2012

Departament da construcziun, traffic e selvicultura

  • Revisiun totala da la lescha chantunala davart il guaud
    La legislaziun chantunala forestala vertenta è da princip sa cumprovada. Tras las revisiuns parzialas ch'èn vegnidas fatgas n'èn la lescha chantunala davart il guaud e l'ordinaziun appartegnenta per part betg pli survesaivlas e betg pli sistematicas.

    Avertura: 11.08.2011
    Scadenza dal termin: 15.11.2011