Ils 28 da settember 2014 ha il pievel grischun acceptà cleramain la refurma da la gulivaziun da finanzas grischuna (refurma da la GF), e quai cun 32 019 cunter 16 431 vuschs resp. cun 66,1% da las vuschs. La regenza ha concludì d'introducir la refurma da la GF per il 1. da schaner 2016. Ella ha fixà ils pajaments da gulivaziun ch'èn decisivs per las vischnancas l'onn 2016. Las vischnancas èn vegnidas infurmadas detagliadamain davart ils pajaments da las contribuziuns 2016 e davart las mesiras da realisaziun.
Las vischnancas grischunas vegnan distgargiadas en tut per dapli che 20 milliuns francs per onn. Distgargiadas vegnan cunzunt las vischnancas finanzialmain deblas e quellas cun grevezzas geografic-topograficas e da scola extraordinariamain autas. Quai rinforza las vischnancas e la solidaritad entaifer il chantun. La refurma da la GF remplazza la gulivaziun da finanzas vertenta tras in concept che correspunda en general a la gulivaziun da finanzas da la confederaziun. Ella garantescha ina gulivaziun transparenta e dirigibla che resguarda ord vista cumplessiva e correcta las differentas entradas e grevezzas da las vischnancas. Las fitg grondas differenzas augmentantas en la capacitad finanziala ed en la grevezza fiscala da las vischnancas vegnan uschia mitigiadas per l'emprima giada en moda cumplessiva ed effectiva. Supplementarmain finanzieschan las vischnancas ed il chantun da nov lur incumbensas correspundentamain a lur responsabladad.
Realisaziun
Votaziun dals 28 da settember 2014
Resultats da la votaziun dal pievel
Explicaziuns dal cussegl grond
Elements centrals da la refurma da la GF
Dumondas e respostas davart la refurma GF
Documents dal cussegl grond
Lescha davart la refurma da la gulivaziun da finanzas en il chantun Grischun
Lescha davart la gulivaziun da finanzas en il chantun Grischun
Ordinaziun generala davart la refurma da la GF
Globalbilanz Beschluss Grosser Rat
Globalbilanz FA-Reform Gemeinden nach Regionalveränden sortiert
Befrister Ausgleich - Beschluss Grosser Rat