L'acceptaziun da l'iniziativa dal pievel "Cunter l'immigraziun da massa" na chaschuna per il mument naginas restricziuns

L'iniziativa dal pievel "Cunter l'immigraziun da massa", che las votantas ed ils votants svizzers han acceptà ils 9 da favrer 2014, oblighescha la confederaziun da negoziar da nov entaifer 3 onns la cunvegna davart la libra circulaziun da persunas confurm a la constituziun. Las novas disposiziuns constituziunalas n'èn betg applitgablas directamain e la cunvegna davart la libra circulaziun è actualmain vinavant applitgabla. En il proxim avegnir na datti pia naginas midadas concernent l'admissiun da persunas da la UE. I n'è anc betg enconuschent sco che las regulaziuns ed ils andaments vegnan ad esser en il futur.