La legislaziun da la Confederaziun e dal chantun en il sectur dal sport da muntogna e da naiv persequitescha las suandantas finamiras:

• protecziun dal giast tar activitads da ristga che vegnan purschidas commerzialmain
  
• garanzia da la segirezza dal giast tar activitads sin pistas e sin rutas da descensiun che vegnan purschidas cunter ina indemnisaziun directa u indirecta

Per cuntanscher questas finamiras è l'Uffizi per economia e turissem responsabel per l'execuziun da las suandantas leschas:

Lescha federala davart ils guids da muntogna e la purschida d'ulteriuras activitads da ristga (LRistg) → Regulaziun da las activitads commerzialas da guids da muntogna, d'aspirants da guid da muntogna, da magisters da sport da naiv (ordaifer il champ da responsabladad da gestiunaris da runals e da telefericas), magisters da rampignar e manaders d'excursiuns sco er en il sectur dal canyoning, riverrafting, canutar en torrents e bungee jumping.

Lescha davart il sport da muntogna e da naiv → Regulaziun da l'instruir, da l'accumpagnar e dal manar giasts cunter ina indemnisaziun directa u indirecta en il champ da responsabladad da gestiunaris da runals e da telefericas (pistas e rutas da descensiun)