Il chantun Grischun dumbra per la fin da l'onn 2021 201‘376 abitantas ed abitants permanents. Quai correspunda a 2,3 pertschient da la populaziun permanenta da l'entira Svizra. Entaifer il chantun sa sviluppa la populaziun vinavant en ina moda vaira differenta.

Dapi l'onn 2010 vegn la statistica da la populaziun STATPOP realisada sco part dal sistem da dumbraziun dal pievel sin basa dals registers da persunas uffizials ed armonisads da la Confederaziun, dals chantuns e da las vischnancas. Ils dumbers definitivs da la populaziun per la fin da l'onn precedent vegnan mintgamai publitgads l'avust da l'onn suandant.