La Statistica da la structura d'interpresas (STATENT) che vegn fatga mintga onn furnescha infurmaziuns detagliadas davart la structura da l'economia sin tut ils plauns statals.

Il Grischun dumbra oz passa 131'000 persunas occupadas (var 101'000 equivalents a temp cumplain) en stgars 21'000 lieus da lavur. La terziarisaziun è avanzada er en il Grischun, 74 pertschient da tut las plazzas da lavur sa chattan en il sectur da servetschs. Durant ils ultims 9 onns han l'economia forestala e l'agricultura pers fermamain impurtanza. Ellas porschan oz anc var 4'500 plazzas da lavur (ETC).

Tenor la Statistica da la demografia d'interpresas (UDEMO) èn vegnidas fundadas da nov var 900 interpresas en il segund u terz sectur en il Grischun l'onn 2020. Tar la gronda part sa tracti d'interpresas che han mo ina persuna occupada.