La cussegliadra u il cussegliader da professiun ta gida tar la tscherna da professiun u da scola.

Nus ta cussegliain sche ti

• vuls savair tge professiun ch'è adattada per tai.
• es malsegira u malsegir sche ti es sin la dretga via.
• na sas betg sche ti pos ademplir las pretensiuns che vegnan fatgas a tai.
• tschertgas alternativas pussaivlas.
• has fadia da chattar ina plazza d'emprendissadi.
• vuls discutar cun ina persuna spezialisada davart tias ponderaziuns, per che ti possias prender ina decisiun raschunaivla.
• dovras sustegn tar la planisaziun e tar la realisaziun dals proxims pass.

En la procedura da cussegliaziun pon er vegnir duvrads tests e meds da lavur. Els demussan ils interess e las abilitads e sustegnan la procedura da cussegliaziun sco er tia procedura da decisiun.

Discreta – neutrala – e per tai gratuita!

Per ina cussegliaziun pos ti t'annunziar persunalmain, per telefon u per e-mail. Tut tenor quai che ti has pli gugent pos ti vegnir suletta u sulet, cun tes geniturs u cun ina persuna accumpagnanta.