Lantschada dal portal da cultura dal Grischun

«Render visibla e nizzaivla la varietad culturala.» Questa finamira ha l'Uffizi da cultura realisà ils ultims 3 onns en il rom da la prioritad da svilup 5.2 dal program da la regenza 2021-2024 ed ha stgaffì per l'emprima giada in portal da cultura cumplessiv per il Grischun. In access central e digital al bain cultural en il chantun sco er ad infurmaziuns ed ad occurrenzas culturalas porscha ad in vast public la pussaivladad da retschertgar differents temas, differentas purschidas e differentas dumondas.

Gugent vulessan nus preschentar a Vus il portal da cultura e lantschar cun Vus ina buna collavuraziun. Il Departament d'educaziun, cultura e protecziun da l'ambient e l'Uffizi da cultura dal Grischun As envidan cordialmain a lantschar il portal da cultura dal Grischun.

Gugent spetgain nus Vossa annunzia fin il pli tard ils 6 d'avrigl 2024.