La tgira da monuments dal Grischun s'occupa da la cultura architectonica, e quai a partir da l'antica tardiva fin al temp dad oz. Sia finamira primara è quella da mantegnair edifizis singuls e stabiliments impurtants cun lur equipament. Plinavant vul ella tgirar ils maletgs dals vitgs e da la cuntrada cultivada. La tgira da monuments garantescha ch'ils monuments architectonics e che lur conturns vegnian utilisads en moda persistenta e confurm a lur destinaziun. Ella sustegna restauraziuns e cusseglia projects da renovaziun areguard la qualitad artisanala e creativa. Ella promova er la perscrutaziun e la documentaziun da la cultura architectonica en il Grischun.