La CII pertutga persunas...

che ston prender ina nova via professiunala pervia da restricziuns persunalas u da la sanadad. Sche la persuna è annunziada a medem temp tar pliras instituziuns, èsi mintgatant difficil da mantegnair la survista, tge instituziun ch'è cumpetenta per tge. La collavuraziun speditiva da las instituziuns duai gidar las persunas che tschertgan lavur a chattar pli svelt ina nova plazza da lavur u da scolaziun.

Las cundiziuns...

• La persuna annunziada è domiciliada en il chantun Grischun.
• La persuna ha ina capacitad (restanta) da lavurar.
• Tar almain ina instituziun partenaria da la CII ha la persuna in dretg da survegnir prestaziuns.
• Igl è avant maun ina problematica multipla, vul dir la persuna ha difficultads da s'integrar en l'emprim martgà da lavur, quai en cumbinaziun cun problems da la sanadad u socials grevs u betg clers.
• Igl exista ina schanza da sa (re)integrar en l'emprim martgà da lavur.
• La persuna è motivada per il process da la CII e sa participescha voluntarmain.
• Ella è d'accord che las instituziuns barattan datas ina cun l'autra ed ella conferma quai en cas da basegn cun sia suttascripziun.