Cuntegn da la pagina

Plans da finanzas

Il plan da finanzas vegn duvrà per planisar e per diriger a media vista las prestaziuns e las finanzas (art. 9 da la lescha da finanzas, DG 710.100).

Plan da finanzas che vegn repassà annualmain (PIFI)

Sa basond sin il program da la regenza e sin il plan da finanzas vegn elavurà il plan d'incumbensas e da finanzas integrà (PIFI). En il senn d'ina vista cumplessiva collia el las incumbensas e las finanzas e vegn repassà annualmain sco planisaziun successiva (art. 62a da la lescha davart il cussegl grond, DG 170.100). El cumpiglia 3 onns dal plan da finanzas e vegn publitgà en la missiva tar il preventiv. 

Plan da finanzas che vegn elavurà mintga 4 onns

Il program da la regenza ed il plan da finanzas fixeschan ils puncts centrals sco er il rom finanzial per la perioda da planisaziun (art. 62 al. 1 da la lescha davart il cussegl grond, DG 170.100). 

Il plan da finanzas sto vegnir fatg mintga 4 onns ensemen cun il program da la regenza. Resguardond ils princips per las finanzas fixescha il cussegl grond mintga 4 onns directivas budgetaras per far ils budgets. En cas da midadas fundamentalas adattescha il cussegl grond las directivas budgetaras per ils onns correspundents dal plan da finanzas (art. 35 da la lescha da finanzas, DG 710.100).

Program da la regenza e plan da finanzas per ils onns 2021-2024            Preschentaziun plan da finanzas 2021-2024

Program da la regenza e plan da finanzas per ils onns 2017-2020

Program da la regenza e plan da finanzas per ils onns 2013-2016

Expertisa externa davart las directivas da la politica da finanzas dal cussegl grond

Il zercladur 2019 ha la regenza discutà davart in sboz cun nov directivas da la politica da finanzas per ils onns da planisaziun 2021–2024. Avant che fixar definitivamain questas directivas en il rom da la missiva tar il program da la regenza ed il plan da finanzas per ils onns 2021–2024, ha ella giavischà in'examinaziun externa pli profunda da las directivas. Cun questa examinaziun è vegnì incaricà prof. dr. Urs Müller.

L'expertisa cun il titel "Las directivas da la politica da finanzas – in giudicament ord vista da l'economia da finanzas" è vegnida preschentada ils 21 d'october 2019 e conferma l'adequatezza e l'efficacitad da las nov directivas da la politica da finanzas. Ella cuntegna er intginas recumandaziuns che servan a la precisaziun ed a la consistenza da las directivas. Resguardond l'expertisa ha la regenza adattà e fixà las directivas.

 

Incumbensa per expertisas

Expertisa: Las directivas da la politica da finanzas – in giudicament ord vista da l'economia da finanzas

Conclus da la regenza concernent il prender enconuschientscha e la valitaziun da l'expertisa

 

Ulteriuras infurmaziuns

Urs Brasser, tel. 081 / 257 32 12, mail: urs.brasser@dfg.gr.ch
Dr. Amos Pesenti, tel. 081 / 257 32 18, mail: amos.pesenti@dfg.gr.ch