Navigation

Inhaltsbereich

-

Champ d'incumbensas

Ti organiseschas sesidas, tgiras la correspundenza, fas protocols e notizias d'acta, has contact telefonic e direct cun la clientella interna ed externa, legias actas e ta procuras infurmaziuns. Ti gidas en la contabilitad e sas interpretar in preventiv. En tia lavur quotidiana vegns ti sustegnida/sustegnì da sistems moderns da communicaziun e d'informatica.

 

Tias fermezzas èn:

  • dun organisatoric
  • fidadadad
  • eloquenza a bucca ed en scrit
  • enconuschientschas da linguas estras
  • bun dun receptiv
  • plaschair dal contact cun umans
  • dun per cifras
  • senn da responsabladad
  • plaschair da lavurar cun computers
  • independenza

Accents da la scolaziun

La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t'acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.

 

Dus differents models da scolaziun

  • Modus da rotaziun
    En quest model midas ti mintga onn il post da servetsch. A la fin da tia scolaziun has ti uschia ina vasta savida davart l'administraziun chantunala.
  • Senza rotaziun
    Scolaziun en in grond post da servetsch (p.ex. administraziun da taglia; uffizi per la furmaziun professiunala; uffizi per industria, mastergn e lavur). Ti lavuras durant tut tes emprendissadi en in post da servetsch, midas dentant internamain adina puspè la partiziun. En quest model t'acquistas ti enconuschientschas pli profundas davart in post da servetsch.

 

Scolaziun

Durada: 3 onns
Scola:  2 dis per emna scola professiunala en il 1./2. onn d'emprendissadi
1 di per emna scola professiunala en il 3. onn d'emprendissadi (2 dis cun maturitad professiunala)
16 dis curs intermanaschials
Finiziun: attestat federal da qualificaziun "commerzianta/commerziant AFQ"

 

Pretensiun

  • Premissa: scola populara terminada cun bunas notas

     

Pussaivladads d'absolver furmaziuns supplementaras suenter l'emprendissadi

La furmaziun da basa professiunala è l'emprim pass impurtant per tes futur professiunal prosperaivel. Suenter ta stat a disposiziun in grond dumber da furmaziuns supplementaras. In pèr exempels:

  • curs da scolas professiunalas spezialisadas chantunalas, da centers da furmaziun supplementara sco er da federaziuns professiunalas e da federaziuns da branschas
  • cun certificat professiunal federal: spezialista/spezialist da l'administraziun publica, funcziunaria/funcziunari da stadi civil, spezialista/spezialist dal provediment professiunal dal persunal, assistenta/assistent da direcziun, spezialista/spezialist da finanzas e contabilitad e.u.v.
  • experta fiscala dipl./expert fiscal dipl., experta/expert da facturaziun e controlling e.u.v.
  • economa/econom da manaschi SSS dipl. e.u.v.
  • bachelor of science (SAS) en economia da manaschi

GraubuendenTvWebPart