Chatscha
Ils effectivs da selvaschina èn buns, e bleras spezias d'animals e d'utschels chattan lur spazi da viver en il Grischun.
La chatscha cumpiglia l'incumbensa d'adattar ils effectivs da selvaschina cun ina structura natirala da vegliadetgna e da schlattainas e cun ina distribuziun confurma a la spezia en il spazi da viver.
Il Grischun ha la chatscha da patenta. Las persunas che han fatg in examen da chatscha en il Grischun pon retrair ina patenta ed ir a chatscha en l'entir chantun.

 

Pestga
Ils spazis da viver en las auas currentas ed en ils lais vegnan furmads da lur conturns ed èn correspundentamain multifars en in chantun da muntogna.
Il dretg da retrair ina patenta da pestga han tut las persunas che cumpleneschan durant l'onn da retratga almain il 14. onn da vegliadetgna. Las patentas per giuvenils survegnan ins en la vegliadetgna da 14 fin 17 onns ed ellas vegnan consegnadas per mez pretsch. Il dretg da pestgar sut surveglianza permetta dentant a giuvenils fin 13 onns da pestgar en cumpagnia d'in titular da la patenta maioren che posseda la cumprova da las enconuschientschas da la materia.